Os amesáns poden presentar xa propostas aos orzamentos
Remataron as catorce reunións polas 11 parroquias, e comeza o prazo para os veciños // Poden pedir dende farolas ata melloras
![Os amesáns poden presentar xa propostas aos orzamentos Os amesáns poden presentar xa propostas aos orzamentos](http://www.elcorreogallego.es/binrepository/900x581/0c38/900d506/none/102922340/AMCR/cp32f08348844_797430_manual_CG1059764_MG155488937.jpg)
![Os amesáns poden presentar xa propostas aos orzamentos Os amesáns poden presentar xa propostas aos orzamentos](http://www.elcorreogallego.es/binrepository/900x581/0c38/900d506/none/102922340/ONCR/cp32f08348844_797431_manual_CG1059764_MG155488938.jpg)
O proxecto de orzamentos participativos de Ames rematou as súas catorce xuntanzas polas once parroquias da capital amaiana, constituíndose tra-la súa finalización a comisión de Orzamentos Participativos. Agora, e ata o vindeiro 23 de xuño, estará aberto o prazo para que a veciñanza presente as súas propostas a través dun impreso que haberá que entregar nos rexistros municipais e que valorará unha comisión mixta do executivo tripartito, técnicos e veciños para executa-las durante o segundo semestre deste ano.
Os orzamentos participativos son, a xuizo do goberno amesán, unha ferramenta activa de participación e xestión na que a cidadanía fai propostas e decide o destino de parte dos recursos municipais. A través desta iniciativa, que é a primeira vez que se pon en marcha no Concello de Ames, recóllese a proposta do goberno de participación da veciñanza asignando a cantidade de 132.000 euros como orzamento participativo destinado a gastos do capítulo VI (investimentos reais) cun reparto igualitario de 12.000 euros para cada unha das 11 parroquias (Lens, Tapia, Piñeiro, Ameixenda, Trasmonte, Agrón, Covas, Bugallido, Ames, Biduído e Ortoño) para actuacións no rural.
Ahora pódense presentar propostas que atinxan dende a iluminación ata a mellora de fontes, mantemento de estradas ou zonas verdes, entre outras.