Arrancan os traballos de limpeza en altura na ponte vella da Ponte Maceira
Os operarios teñen que facer un descolgue vertical para sacar as herbas e maleza // Están colocando a pasarela de madeira
![Arrancan os traballos de limpeza en altura na ponte vella da Ponte Maceira Arrancan os traballos de limpeza en altura na ponte vella da Ponte Maceira](http://www.elcorreogallego.es/binrepository/900x535/0c15/900d506/none/102922340/CDPU/cp31f07833913_754078_manual_CG1008024_MG157354972.jpg)
![Arrancan os traballos de limpeza en altura na ponte vella da Ponte Maceira Arrancan os traballos de limpeza en altura na ponte vella da Ponte Maceira](http://www.elcorreogallego.es/binrepository/900x535/0c15/900d506/none/102922340/BCPU/cp31f07833913_754079_manual_CG1008024_MG157354973.jpg)
A empresa amesán A.J. Abelleira Jardinería está levando a cabo os traballos en altura na Ponte Maceira, para a limpeza das herbas e da maleza, que se atopan entre as pedras da ponte vella. Para poder levar a cabo estes traballos os operarios teñen que realizar un descolgue vertical por dita ponte. Previamente, os brigadistas estiveron realizando labores de roza e limpeza nas beiras do río Tambre ao seu paso por Ponte Maceira. Estes traballos enmárcanse dentro das actuacións que están realizando os Concellos de Ames e Negreira para declarar esta ponte como Ben de Interese Cultural (BIC).
Nesta semana comezaron coa segunda fase dos traballos de acondicionamento. A actuación consiste na limpeza dos laterais da ponte vella co obxectivo de retirar todas as herbas e maleza que hai entre as pedras de dita ponte. Principalmente estanse retirando as herbas e hedras que están nos pilares e ao longo de toda a ponte. Esta actuación ten un custo total de 5.190 euros.
Más información en El Correo Gallego (edición papel) y en Orbyt