A Aula da Natureza de Lousame aposta por recobrar soutos
A asociación creou o campamento educativo Seteportas Altair para plantar castiñeiros
![A Aula da Natureza de Lousame aposta por recobrar soutos A Aula da Natureza de Lousame aposta por recobrar soutos](http://www.elcorreogallego.es/binrepository/900x556/0c25/900d506/none/102922340/WSMH/29_789801_manual_CG1050940_MG155786329.jpg)
![A Aula da Natureza de Lousame aposta por recobrar soutos A Aula da Natureza de Lousame aposta por recobrar soutos](http://www.elcorreogallego.es/binrepository/900x556/0c25/900d506/none/102922340/MTMH/29_789802_manual_CG1050940_MG155786332.jpg)
A Aula da Natureza de Lousame, que promove a asociación sen ánimo de lucro Sociedade Histórica e Cultural Coluna Sanfins, acolleu as mozas e mozos do campamento do proxecto educativo Seteportas Altair para plantar un souto de castiñeiros no monte veciñal de Froxán.
Aproveitando o campamento, asentado entre os días 8 e 11 de abril no local social de Cabanetán, as trasnas Toxo, Cachopo e Carroucha convidaron á rapazada a implicarse na posta en valor e recuperación da biodiversidade e paisaxe do seu monte, axudando a recuperar unha zona degradada pola presenza de acacias.
As nenas e nenos plantaron cadanseu castiñeiro, seguindo os consellos de trasnas, monitoras e comuneiras, formando no seu conxunto o Souto das Seteportas, que se comprometeron a visitar e coidar en anos vindeiros.
Más información en El Correo Gallego (edición papel) y en Orbyt