Noia lembra a Avilés no 25º aniversario do seu pasamento
O Concello realizou a súa tradicional homenaxe floral ante a tumba do escritor no camposanto de Boa // No acto, presidido polo alcalde, participaron tódolos grupos políticos municipais, así como a viúva e fillos do poeta
Cada 22 de marzo, Noia ten unha cita ineludible no cemiterio de Boa, ao tratarse do aniversario do falecemento dun dos seus fillos predilectos, o escritor Antón Avilés de Taramancos. Este ano non foi unha excepción, e representantes do Concello e familiares encabezaron a comitiva que se dirixiu á tumba do camposanto onde descansan os restos do poeta noiés para realizar a súa tradicional homenaxe floral ao creador de Obra viva ou Cantos caucanos no 25 aniversario do seu pasamento.
Ao acto, ademais dun grupo de veciños, tamén acudiron o alcalde de Noia, Santiago Freire; o concelleiro de Cultura, José Pérez, e os representantes do PSdeG, Miguel Paz; A Marea, Manolo Seijas, e BNG, Irati García. Por parte da familia, estaban a viúva, Sofía Baquero, e dous dos seus tres fillos, Luis e Santiago, xa que Guillermo non puido asistir ao residir fóra por motivos de traballo. Tamén estivo o irmán de Avilés, Alfonso, acompañado da súa muller, que residen na casa natal do escritor en Taramancos.
Más información en El Correo Gallego (edición papel) y en Orbyt