A USC participa nun proxecto europeo para xestionar os problemas sociais, culturais e territoriais das cidades
Presentouse este martes 20 no Centro de Estudos Avanzados da Universidade compostelá
![A USC participa nun proxecto europeo para xestionar os problemas sociais, culturais e territoriais das cidades A USC participa nun proxecto europeo para xestionar os problemas sociais, culturais e territoriais das cidades](http://www.elcorreogallego.es/binrepository/900x600/0c47/900d506/none/102922340/XKKB/dscf0889_705747_0x0_izda_CG959170_MG150342677.jpg)
![A USC participa nun proxecto europeo para xestionar os problemas sociais, culturais e territoriais das cidades A USC participa nun proxecto europeo para xestionar os problemas sociais, culturais e territoriais das cidades](http://www.elcorreogallego.es/binrepository/900x598/0c46/900d506/none/102922340/UTLI/dscf0889_705748_310x0_izda_CG959170_MG150342678.jpg)
![A USC participa nun proxecto europeo para xestionar os problemas sociais, culturais e territoriais das cidades A USC participa nun proxecto europeo para xestionar os problemas sociais, culturais e territoriais das cidades](http://www.elcorreogallego.es/binrepository/900x599/0c47/900d506/none/102922340/VCLI/dscf0889_705749_308x0_izda_CG959170_MG150342679.jpg)
![A USC participa nun proxecto europeo para xestionar os problemas sociais, culturais e territoriais das cidades A USC participa nun proxecto europeo para xestionar os problemas sociais, culturais e territoriais das cidades](http://www.elcorreogallego.es/binrepository/900x595/0c45/900d506/none/102922340/PULW/dscf0889_705750_118x0_izda_CG959170_MG150342680.jpg)
A Universidade de Santiago participa no proxecto europeo Erasmus+ Dinámicas urbanas que busca desenvolver un modelo de formación válido para xestionar os problemas territoriais, sociais e culturais aos que se enfrontarán no futuro as grandes cidades desde a previsión da súa evolución.
No proxecto, liderado pola Universidade alemá de Kiel, participan docentes e especialistas das Universidades de Santiago de Compostela e París 8 (Francia), e como asociados extracomunitarios as Universidades Federal de Pernambuco (Brasil) e do Salvador (Arxentina). Trátase dun dos primeiros Erasmus+ concedidos a grupos destas institucións, no que traballa persoal investigador dos ámbitos das Ciencias Sociais e Humanidades, en especial Socioloxía, Xeografía, especialistas en crítica literaria e expertos en estudos culturais. Concretamente, da USC participan Rubén Lois González (coordinador), Anxo Abuín (coordinador adxunto da USC) e os profesores Fernando Cabo e María José Piñeira.
Os pormenores desta asociación estratéxica déronse a coñecer este martes no Centro de Estudos Avanzados da USC (CEA) nun acto no que participaron o coordinador xeral do proxecto, o profesor da Universidade de Kiel Javier Gómez-Montero; o profesor da USC Rubén Lois; e a profesora da Universidade de París 8, Anne-Marie Autissier. Asistiron ademais o secretario xeral de Cultura, Anxo Lorenzo; as vicerreitoras de Investigación e de Internacionalización, Isabel Rodríguez-Moldes e Almudena Hospido, respectivamente; o coordinador adxunto da USC, Anxo Abuín; o director do CEA, Fernando Cabo; e o profesor da Universidade de Kiel Victor Ferretti, que presentou a plataforma on line que servirá de nexo entre as institucións participantes e como ferramenta de intercambio de materiais didácticos.
Nese encontro explicaron que, ademais de impulsar estudos de posgrao e máster sobre a cidade e os procesos de urbanización en Europa, entre os seus obxectivos está o de desenvolver perfís profesionais urbanos con competencias técnicas e humanísticas sólidas para afirmarse como intermediarios entre os arquitectos eurbanistas e osasistentes-animadores sociais. Neste sentido, a cidade é o escenario da sociedade contemporánea, afirmou Rubén Lois.
En alusión á importancia do proxecto Dinámicas urbanas, a socióloga Anne-Marie Autissier tamén aludiu á cidade como polo de contacto e intercambio ao sinalar que queremos que se consiga unha grande interacción entre estudantes e entre competencias nun proxecto que debe ter unha ampla formación intercultural. Para conseguir estes fins, o proxecto inclúe ciclos de conferencias, programas de prácticas profesionais, escolas de verán ou simposios nas distintas universidades participantes.
O resultado colectado proporcionará aos xestores competentes neste eido elementos de utilidade e valor engadido para realizar o seu labor de xeito correcto e favorecendo a participación da cidadanía, afirmou Anxo Lorenzo na súa quenda de intervención. Pola súa banda, mentres que a vicerreitora Almudena Hospido agradeceu a amplitude do proxecto tanto no relativo a contidos como a espazos xeográficos incluídos, Isabel Rodríguez-Moldes apelou a conexión directa desta iniciativa co Campus da Cidadanía que a USC está a poñer en marcha, na USC estamos orgullosos da capacidade e da traxectoria dos nosos investigadores nestas áreas de coñecemento que sempre poderán contar co noso apoio.
Pechando as intervencións, Javier Gómez-Montero explicou os obxectivos do proxecto centrado na formación de xestores que medien entre administracións e que axuden a resolver os problemas das cidades nos vindeiros anos.