Cultura revisa a súa liña de subvencións á BD galega
O director xeral, Francisco López, reuniuse cos representantes do sector da banda deseñada en Galicia ·· Achegaranse preto de 600.000 euros durante o 2010
![Cultura revisa a súa liña de subvencións á BD galega Cultura revisa a súa liña de subvencións á BD galega](http://www.elcorreogallego.es/binrepository/900x570/0c32/900d506/none/102922340/VOQL/cp60f03356701_336944_CG513001_MG133883672.jpg)
![Cultura revisa a súa liña de subvencións á BD galega Cultura revisa a súa liña de subvencións á BD galega](http://www.elcorreogallego.es/binrepository/900x559/0c27/900d506/none/102922340/UPUA/cp60f03356701_336945_CG513001_MG133883673.jpg)
![Cultura revisa a súa liña de subvencións á BD galega Cultura revisa a súa liña de subvencións á BD galega](http://www.elcorreogallego.es/binrepository/900x559/0c27/900d506/none/102922340/TMUA/cp60f03356701_336946_CG513001_MG133883674.jpg)
![Cultura revisa a súa liña de subvencións á BD galega Cultura revisa a súa liña de subvencións á BD galega](http://www.elcorreogallego.es/binrepository/900x570/0c32/900d506/none/102922340/SNQL/cp60f03356701_336947_CG513001_MG133883675.jpg)
O director xeral de Promoción e Difusión da Cultura, Francisco López, reuniuse onte con representantes da banda deseñada galega para avanzar nas liñas de colaboración establecidas co sector respecto á presenza nas feiras nacionais e internacionais, as axudas aos creadores, a política de adquisición de exemplares destinados ás bibliotecas, actividades de promoción así como a posta en marcha dun portal de cómic galego dentro da Biblioteca Dixital da Biblioteca de Galicia.
López cifrou en preto de 600.000 euros a contía que a Dirección Xeral de Promoción e Difusión da Cultura destinará en apoio ao sector da banda deseñada durante 2010 e anunciou que se porán en marcha novas iniciativas para a promoción do cómic galego. A Consellería de Cultura e Turismo aprobou o pasado 21 de decembro a orde de axudas que apoiará a creación de proxectos de BD galega. Segundo onte sinalou, a dirección xeral está a estudar as peticións dos artistas sobre a convocatoria, en concreto sobre a revisión do artigo referido ás titulacións esixidas aos beneficiarios e a posible ampliación do prazo de presentación da documentación.