Topónimos castelanizados no Instituto Cervantes
O deputado do BNG no Parlamento galego, Bieito Lobeira, presentou unha iniciativa na que demanda da Xunta de Galicia que interveña para que o Instituto Cervantes "corrixa os topónimos galegos" castelanizados que aparecen na súa web e publicacións.
En concreto, Lobeira denuncia que no Centro Virtual Cervantes relacionado co Camiño de Santiago aparecen topónimos galegos como Mellid -Melide-, El Cebrero -O Cebreiro-, Finisterre -Fisterra- ou Palas de Rey -Palas de Rei-.
Neste sentido, o deputado nacionalista considerou "intolerable" que aínda "a estas alturas haxa institucións públicas que vulneren a legalidade lingüística".
29 jun 2009 / 02:17
Noticia marcada para leer más tarde en Tu Correo Gallego
Tema marcado como favorito