Intervir no que somos

Poida que non haxa reto maior para un arquitecto que intervir nas vértebras dun símbolo nacional. Ese foi o labor de Luis Gil e Cristina Nieto, que comandaron a primeira fase de remodelación da Casa-Museo de Rosalía en Padrón, que mañá se reabrirá ao público. Quen se achegue alí, ás vellas cortes da Casa da Matanza, poderá comprobar o respecto, a elegancia e a luminosa sensibilidade dun traballo de recuperación que avanza a nova etapa deste museo.