Carlos León, fito da pintura abstracta española, no CGAC
Ángel Cerviño e Alberto González-Alegre comisarían a mostra, aberta até o 1 de marzo
![Carlos León, fito da pintura abstracta española, no CGAC Carlos León, fito da pintura abstracta española, no CGAC](http://www.elcorreogallego.es/binrepository/900x1564/0c529/900d506/none/102922340/CLFP/42_674549_0x0_izda_CG898563_MG149861146.jpg)
![Carlos León, fito da pintura abstracta española, no CGAC Carlos León, fito da pintura abstracta española, no CGAC](http://www.elcorreogallego.es/binrepository/900x1564/0c529/900d506/none/102922340/BKIR/42_674550_118x0_izda_CG898563_MG149861147.jpg)
O Centro Galego de Arte Contemporánea (CGAC) acolle até o 1 de marzo de 2015 unha exposición, que ocupa toda a planta baixa do centro, composta por máis de trinta pezas, entre pinturas e esculturas, do mestre da abstracción ceutí Carlos León.
Co nome A orde das primeiras cousas, a exposición constitúe a mostra máis completa realizada polo artista ata a actualidade e ocupará a totalidade da planta baixa do CGAC.
O director do CGAC, Miguel Von Haffe, presentou onte venres a exposición en compañía dos dous comisarios, Angel Cerviño e Alberto González-Alegre, e do propio artista.
Esta mostra explora algunhas das series máis recentes do artista, nas que Carlos León objetiviza o acto de pintar e mestura as cores da súa paleta con residuos industriais e elementos recuperados de chatarrerías.
As salas do CGAC énchense de ferros, táboas, cables e palanganas que se atopan formando esculturas e que dialogan con cadros superpuestos e que se elevan sobre o solo, con pezas que remiten ó espazo do seu taller.
A mediados dos anos setenta Carlos León estivo ligado ao grupo francés Supports-Surfaces; ao seu espírito subversivo e ao seu interese polo retorno a unha pintura rigurosamente formalista. Tras as súas longas estadías no Nova York dos anos oitenta e noventa, a predominancia xeométrica do seu traballo derivou nunha factura máis expresionista e xestual, pintando directamente coas mans sobre soportes de grande formato. Na actualidade, a súa obra imponse como unha das propostas fundamentais da pintura abstracta española.