Estréase en Galicia a primeira versión para marionetas da obra teatral Os vellos non deben de namorarse de Castelao
Trátase dunha nova produción da compañía Fantoches Baj, que se presentará en Pontevedra e en Rianxo este próximo sábado en sesións abertas a todos os públicos e de balde // A montaxe está dirixida por Inacio Vilariño e coa súa estrea quedaráinaugurado o Ano Castelao 2016
![Estréase en Galicia a primeira versión para marionetas da obra teatral Os vellos non deben de namorarse de Castelao Estréase en Galicia a primeira versión para marionetas da obra teatral Os vellos non deben de namorarse de Castelao](http://www.elcorreogallego.es/binrepository/900x600/0c47/900d506/none/102922340/QIFC/osvellos15184x34561_715158_0x0_izda_CG976613_MG150450636.jpg)
![Estréase en Galicia a primeira versión para marionetas da obra teatral Os vellos non deben de namorarse de Castelao Estréase en Galicia a primeira versión para marionetas da obra teatral Os vellos non deben de namorarse de Castelao](http://www.elcorreogallego.es/binrepository/900x598/0c46/900d506/none/102922340/AKVR/osvellos15184x34561_715159_310x0_izda_CG976613_MG150450637.jpg)
![Estréase en Galicia a primeira versión para marionetas da obra teatral Os vellos non deben de namorarse de Castelao Estréase en Galicia a primeira versión para marionetas da obra teatral Os vellos non deben de namorarse de Castelao](http://www.elcorreogallego.es/binrepository/900x599/0c47/900d506/none/102922340/WJVR/osvellos15184x34561_715160_308x0_izda_CG976613_MG150450638.jpg)
![Estréase en Galicia a primeira versión para marionetas da obra teatral Os vellos non deben de namorarse de Castelao Estréase en Galicia a primeira versión para marionetas da obra teatral Os vellos non deben de namorarse de Castelao](http://www.elcorreogallego.es/binrepository/900x595/0c45/900d506/none/102922340/XLVX/osvellos15184x34561_715161_118x0_izda_CG976613_MG150450639.jpg)
Pontevedra e Rianxo acollerán este próximo sábado a estrea en Galicia da que é a primeira versión para marionetas da obra teatral Os vellos non deben de namorarse de Castelao.
Trátase da nova produción da compañía de monicreques Fantoches Baj, con cuxa estrea tanto a Deputación Provincial de Pontevedra, como o concello natal de Castelao, Rianxo, iniciarán os actos conmemorativos do Ano Castelao 2016, do centenario da chegada do autor á cidade do Lérez e do 75 aniversario da estrea da que foi a súa única obra teatral.
A estrea da adaptación a marionetas de Os vellos non deben de namorarse presentouse hoxe en roda de prensa no Museo de Pontevedra e os primeiros pases da representación, abertos a todos os públicos, terán lugar o sábado 30 de xaneiro ás 12 horas no Sexto Edificio do Museo de Pontevedra e o mesmo día, sábado 30 de xaneiro, ás 20:30 horas no Auditorio de Rianxo. En ambos lugares da estrea a función será de balde.
En Pontevedra as entradas convite poden retirarse xa calquera destes días pasando polo propio Sexto Edificio do Museo; e en Rianxo, as entradas convite poden retirarse desde unha hora antes do comezo da función, no propio Auditorio municipal.
Os vellos non deben de namorarse de Fantoches Baj está dirixida por Inacio Vilariño e para deseñar os bonecos, tarefas da que se encargou o propio Inacio e o artesán e artista Luis Javier Iglesias Rodríguez Luchi, a compañía inspirouse no método de elaboración de máscaras do propio Castelao. A partir desta semana, a obra estará en distribución co obxectivo de chegar ao público de todos os concellos de Galicia.