Kiko da Silva gaña a novena edición do premio Castelao
O creador vigués logrou con O inferno do debuxante o galardón de BD da Deputación
![Kiko da Silva gaña a novena edición do premio Castelao Kiko da Silva gaña a novena edición do premio Castelao](http://www.elcorreogallego.es/binrepository/900x1418/0c456/900d506/none/102922340/CBXF/44_664764_0x0_izda_CG877710_MG148111487.jpg)
![Kiko da Silva gaña a novena edición do premio Castelao Kiko da Silva gaña a novena edición do premio Castelao](http://www.elcorreogallego.es/binrepository/900x1411/0c453/900d506/none/102922340/VJVS/44_664765_118x0_izda_CG877710_MG148111489.jpg)
Kiko Da Silva, debuxante vigués ("pontevedrés de adopción", como el mesmo asegura) é o gañador da IX edición do Premio de Banda Deseñada Castelao que convoca a Deputación da Coruña.
Así o decidiu onte á mañá o xurado, reunido na sede da Deputación, e que valorou a "grandísima calidade" do total de trece orixinais presentados este ano ao certame, o que supón o récord de participación nesta convocatoria. Tomaron parte nas deliberacións Miguel Anxo Prado, Ángel de la Calle e Carlos Portela.
O autor recibirá como premio un total de 6.500 euros, así como a publicación da obra por parte da institución provincial.
A historieta gañadora desta edición do galardón resultou elixida entre os trece orixinais presentados para o concurso no que foi o ano de maior participación ata o momento.
O relato ideado por Kiko Da Silva, baixo o título de O inferno de debuxante, conta a historia de Manuel Pardo, un debuxante que nunca é quen de publicar ningunha das súas creacións porque sempre se atopa con que algunha outra persoa xa o fixera antes.
tendencias@elcorreogallego.es