María Xosé Lamas recolleu o VII premio Arume de poesía
A Fundación Neira Vilas deulle o galardón ao libro Cantigas para aprender a soñar
Onte tivo lugar a entrega da VII edición do Premio Arume de Poesía á lucense María Xosé Lamas pola obra Cantigas para aprender a soñar. O certame literario convócao, con periodicidade bianual desde 2001, a Fundación Xosé Neira Vilas e conta coa colaboración da Secretaría Xeral de Política Lingüística.
No acto que se celebrou en Gres, na sede da Fundación Xosé Neira Vilas participaron, canda ao secretario xeral, o escritor e académico da RAG Xosé Neira Vilas, o director xeral de Medio Rural, Antonio Crespo, e o rexedor cruceño, Jesús Otero.
Nel tamén recibiron cadansúa mención do honra, outorgadas polo xurado, os escritores Antón Cortizas, por Cando as follas voan; María Canosa, por O libro dos medos que non o son, e Xosé Luna Sanmartín, por Versos e bicos. Tres nenos foron os encargados de ler outros tantos poemas pertencentes á obra gañadora, A mañá esperta, Moio e Lúa chea, e o coñecido músico galego Xabier Díaz vocalista de Berrogüetto e de aCadaCanto tocou ao acordeón varias pezas, entre elas un alalá.
Más información en El Correo Gallego (edición papel) y en Orbyt