Marta Cendón fala no ciclo sobre a muller medieval

PADRE SARMIENTO O Instituto de Estudos Galegos Padre Sarmiento (IEGPS), adscrito ao CSIC, presenta hoxe a última conferencia do verán do seminario de especialización que leva por título Mulleres con poder ao final da Idade Media. Este último relatorio -baixo o título A memoria pétrea das mulleres con poder na Baixa Idade Media-, será exposto, a partir das 11.30 horas, pola doutora Marta Cendón Fernández, profesora titular de Historia da Arte na Universidade de Santiago. O ciclo de conferencias coordínao o doutor, experto en heráldica e director do IEGPS, Eduardo Pardo de Guevara y Valdés, en colaboración coa doutora Gloria de Antonio Rubio e o licenciado Miguel García-Fernández. O ciclo sobre Mulleres con poder na Idade Media continuará o 14 de setembro cunha ponencia da doutora Therese Martin, do Centro de Ciencias Humanas e Sociais-CSIC.