Memorias dun neno labrego, o libro en galego máis lido cumpre 55 anos
A RAG lembra ao creador de Balbino, Xosé Neira Vilas, que desde hoxe lle dará nome ao auditorio da Biblioteca e o Arquivo de Galicia do compostelán Gaiás por iniciativa de Cultura
![Memorias dun neno labrego, o libro en galego máis lido cumpre 55 anos Memorias dun neno labrego, o libro en galego máis lido cumpre 55 anos](http://www.elcorreogallego.es/binrepository/1003x506/52c0/900d506/none/102922340/FWIJ/32_713195_0x0_izda_CG972958_MG150426962.jpg)
![Memorias dun neno labrego, o libro en galego máis lido cumpre 55 anos Memorias dun neno labrego, o libro en galego máis lido cumpre 55 anos](http://www.elcorreogallego.es/binrepository/1006x506/53c0/900d506/none/102922340/SJSF/32_713196_310x0_izda_CG972958_MG150426963.jpg)
![Memorias dun neno labrego, o libro en galego máis lido cumpre 55 anos Memorias dun neno labrego, o libro en galego máis lido cumpre 55 anos](http://www.elcorreogallego.es/binrepository/1005x506/53c0/900d506/none/102922340/VBSE/32_713197_308x0_izda_CG972958_MG150426964.jpg)
O 5 de xaneiro de 1961 é un día grande na historia editorial de Galicia, concretamente na Galicia da diáspora. Ese día saíu do prelo, en Buenos Aires, Memorias dun neno labrego, de Xosé Neira Vilas, relato que é un fito na narrativa do século XX galego. Co gallo do falecemento do autor (27-11-2015), foron varios os críticos e os xornalistas que concordaron ao afirmaren que as Memorias é o libro en lingua galega máis reeditado e traducido; tamén un dos máis estudados e escenificados. A Real Academia Galega (RAG) hónrase evocando a gloriosa data do 5 de xaneiro de 1961 e lembra con emoción a Xosé Neira Vilas, académico numerario da institución desde 2001 e colaborador habitual ata a súa morte nas páxinas de Opinión de EL CORREO GALLEGO.
Memorias dun neno labrego
editouse por primeira vez na capital arxentina, onde Neira Vilas descubriu "a personalidade histórica e o signo diferencial do noso país", e onde abrollou a súa latente vocación literaria, lembraba no seu discurso de ingreso na RAG, dedicado precisamente á cultura galega en Buenos Aires entre os anos 50 e 60.
Más información en El Correo Gallego (edición papel) y en Orbyt