No espazo do marabilloso
![No espazo do marabilloso No espazo do marabilloso](http://www.elcorreogallego.es/binrepository/900x526/0c10/900d506/none/102922340/UQIN/43_594044_0x0_izda_CG755570_MG157659057.jpg)
![No espazo do marabilloso No espazo do marabilloso](http://www.elcorreogallego.es/binrepository/900x526/0c10/900d506/none/102922340/TVQI/43_594045_308x0_izda_CG755570_MG157659058.jpg)
Despois da reedición de O misterio das badaladas o pasado ano, Edicións Xerais de Galicia reedita agora outra obra de Xabier P. Docampo (Rábade, Lugo, 1946) e Xosé Cobas (Logrosa, Negreira, 1953). Trátase de A nena de auga e o príncipe de lume, publicada novamente dentro da colección "Merlín". Con todo, á diferenza dos exemplares anteriores, nesta quinta edición, a obra estrea grandes modificacións tanto na parte textual coma na ilustrativa.
Publicada por primeira vez en 1989, A nena de auga e o príncipe de lume é un libro infantil composto por contos individuais, que se estruturan co mesmo procedemento compositivo, isto é, todas as historias presentan un conflito inicial, representando por dous estados opostos, que é solucionado pola transformación e poder da esfera do marabilloso. Ese recurso formal é ben visualizado no conto de abertura, A nena de auga e o príncipe de lume, que non só por coincidencia confire título ao libro.