APOIO A ÁFRICA
Solidariedade dende Carballo para ofrecer transporte seguro a mozas de Malawi para que poidan estudar
Nómadas Motorhome e a Operación Pangono traballan para que dispoñan dun minibús
Servirá tamén para previr o acoso sexual nos ateigados servizos públicos
J. M. Ramos
A solidariedade non coñece fronteiras e, por iso, dende Carballo, a empresa Nómadas Motorhome, dedicada á venda e aluger de autocaravanas, vén de impulsar, xunto coa Asociación Operación Pangono Pangono, o proxecto #miniVAN_Area49 para conseguir un minibús que facilite os desprazamentos a escolas e universidades a 70 mozas da residencia Amai María, de Malawi, que xestionan as Misioneiras de María Mediadora.
Ricardo Baamonde Couto, presidente da sinalada asociación, xunto con Lucía Figueiras e Jesús García, xerentes de Nómadas Motorhome, presentaron o proxecto que vén a complementar iniciativas anteriores, como as Rutas Nómadas Solidarias que en 2107 en 2018 permitiron recadar fondos para dotar de instalacións fotovoltacias e bombeos solares a varios hospitais, orfanatos e residencias de estudantes, tamén en Malawi. “Despois da boa experiencia, e pasada a pandemia, propuxémonos tratar de axudar ás mozas africanas para que poidan rematar os seus estudos de secundaria e universitarios”, afirma Lucía Figueiras.
Os promotores do proxecto aseguran que o transporte público na cidade de Lilongwe, onde se ubica a residencia, “é moi precario e realizase en camionetas de cabina aberta ou minibuses privados, que van sempre moi ateigados de xente”. Ademais, engaden, non teñen horarios fixos, os accidentes son moi frecuentes debido á falta de mantemento dos vehículos, e o prezo dos minibuses privados son moi elevados para a capacaidade económica das xentes malawianas.
A todos eses problemas hai que que engadir que eses medios van sempre cheos para facer rendibles as rutas, “e este feito provoca que as mozas sufran con frecuencia acoso sexual, especialmente as máis novas, polo que moitas veces optan por desprazarse a pé a pesar das longas distancias que deben percorrer”, subliñan. Uns atrancos que esperan superar coa doazón do minibús que pretenden conseguir, “e que podería usarse tamén no hospital de Mlale e no orfanato de Chezi”, que tamén xestionan as misioneiras.
- El Correo Gallego - Diario de la capital de Galicia
- Ocio nocturno en Compostela: un viaje nostálgico a la era dorada de los 80 y 90
- Devuelven unos 4.000 euros que escupió un cajero automático en Lalín tras ingresarlos un vecino
- Así fue el discurso viral de una gallega contra el turismo que cada año inunda Santiago de Compostela: "Somos un decorado en su Camino de Santiago
- “Sí, quiero”... pero con separación de bienes: ¿Por qué la mitad de los gallegos eligen ya esta opción?
- Así es el impresionante palacete que recuerda a Downton Abbey: a la venta en Santiago de Compostela
- Las ventas de coches cierran el primer cuatrimestre en Galicia con un aumento de casi el 16%, el doble que en España
- Así es el faro de Galicia que ha sido elegido como uno de los más impresionantes de Europa